Memqyzmetkerler sany az bolsa da, utymdy jumys atqarýǵa bolady - saıasattanýshy
12:09, 02 Qyrkúıek 2020
NUR-SULTAN. QazAqparat – Memlekettik qyzmetkerler sany az bolsa da utymdy jumys atqarýǵa bolady. Saıasattanýshy Rasýl Jumaly Memleket basshysy Qasym-Jomart Toqaevtyń Qazaqstan halqyna jyl saıynǵy dástúrli Joldaýyna qatysty osyndaı pikir bildirdi, dep habarlaıdy QazAqparat tilshisi.
«Bir ǵana mysal keltire keteıin, 120 mıllıon halqy bar Japonııada memlekettik qyzmetkerler sany – 6 myń ǵana. Ol ekonomıkalyq damýy boıynsha álem boıynsha úshinshi orynda tur. 18 mıllıon halqy bar Qazaqstanda memlekettik qyzmetkerler sany kem degende – 120 myń. Bul kvazımemlekettik sekorlardy, ulttyq bankterdi sanamaǵandaǵy kórsetkish», - deıdi saıasattanýshy Rasýl Jumaly.
Ol memlekettik qyzmetkerler sany az bolsa da óte utymdy jumys atqarýǵa bolatynyn aıtty.
«Osy Joldaýǵa ájeptáýir daıyndyqpen kelgen eldegi shynaıy ahýaldy zerttep qarap, qoǵamnyń suranys-talaptary qandaı ekeni turǵysynan, narazylyǵy deńgeıi qalaı ekenine qarap – durys sheshimder shyǵarýǵa bolady», - deıdi ol.