Memqyzmetke úmitkerler artyq qujat jınaýdan bosatylady

ASTANA. QazAqparat – Memlekettik qyzmetke úmitkerler artyq qujat jınaýdan bosatylady. Bul týraly Memlekettik qyzmet isteri agenttiginiń tóraǵasy Darhan Jazyqbaev vedomstvonyń keńeıtilgen alqa otyrysynda aıtty, dep habarlaıdy QazAqparat tilshisi.

Agenttik memlekettik qyzmetke irikteý men ony ótkerýdi tolyq tsıfrlandyrý arqyly «E-qyzmet» yqpaldastyrylǵan aqparattyq júıesin jańǵyrtý boıynsha jumystar júrgizdi. Birinshi kezekte «E-qyzmet» júıesiniń syrtqy portaly jasaldy. Syrtqy portalda memlekettik qyzmetke jańa irikteý algorıtimi ázirlendi, onda konkýrstyq rásimdi ótkizý formaty qaıta qaraldy. Konkýrstyq rásimniń jańa formaty úmitkerlerge aldyn ala belgilengen ýaqytta ótetin áńgimelesýden basqa barlyq kezeńderde, kez kelgen ýaqytta jáne álemniń kez kelgen núktesinen konkýrsqa qatysýǵa múmkindik beredi. bizdiń josparymyz – jańa irikteý júıesin pılottyq synaqtan ótkizý. Pılot 1 naýryzdan bastap 5 memlekettik organda ótetin bolady», – dedi Agenttik tóraǵasy.

Onyń naqtylaı túsýinshe, júıe Memlekettik qyzmet isteri agenttiginde, Indýstrııa jəne ınfraqurylymdyq damý, Saýda jəne ıntegratsııa mınıstrlikterinde, Aqmola oblysy men Shymkent qalasy ákimdikterinde synaqtan ótkiziledi.

«E-qyzmette» barlyq mańyzdy aqparattyq júıelermen ıntegratsııa jasadyq. Ol memlekettik qyzmetke úmitkerlerdi artyq qujat jınaýdan bosatady. Ózge aqparattyq júıelerden úmitker týraly aqparat alý, onyń sottylyǵy nemese ózge buzýshylyqtarǵa qatysy bar-joǵyn tekserý, biliktilik talaptaryna saı kelýin qaraý – munyń bárin avtomatty túrde júıe ózi jasaıtyn bolady»,- dedi Darhan Jazyqbaev.