Memkirister komıteti deklaratsııany tapsyrý merzimi jaıly eskertti
2021 jyldan bastap Qazaqstanda kezeń-kezeńimen jalpyǵa birdeı deklaratsııalaý engizilip jatyr.
Ol memlekettik qyzmetshilerden, olarǵa teńestirilgen tulǵalardan, sondaı-aq olardyń jubaılarynan bastalady.
Memlekettik kirister komıteti kirister men múlki týraly deklaratsııany tabys etý merzimi týraly eskertti.
2022 jylǵy 15 qyrkúıek – kiristeri men múlki týraly deklaratsııany (270.00-nysan) elektrondyq túrde tapsyrý merzimi.
Deklaratsııa qaǵaz túrinde tapsyrylatyn bolsa, 2022 jylǵy 15 shildeden keshiktirilmeı tabys etilýi tıis.
2022 jyly kirister men múlik týraly deklaratsııany jalpyǵa birdeı deklaratsııalaýdyń birinshi kezeńiniń tulǵalary usynady, olar 2021 jyly aktıvter men mindettemeler týraly deklaratsııany (250.00-nysan) usynǵan bolatyn.
Deklaratsııany «Salyq tóleýshiniń kabıneti» (kgd.gov.kz) web-qosymshasy jáne «e-Salyq Azamat» mobıldi qosymshasy arqyly elektrondy túrde toltyryp, tapsyrýǵa bolady.
Jeke tulǵalar deklaratsııany turǵylyqty jeri boıynsha, al dara kásipkerler men jeke praktıkamen aınalysatyn adamdar ornalasqan jeri boıynsha tabys etedi.