Mels Eleýsizov ekologtar partııasyn qurýǵa nıetti
«Bul ispen aınalysqanyma 35 jyl boldy. Partııa problemalardy Parlament tórinde aıtý úshin qajet. Al Parlament kópshiliktiń basymdyǵy qaǵıdaty boıynsha jumys isteıdi. Qazir partııa quratyn sát kelip tur. Maǵan Prezıdenttiń kóppartııalyq týraly aıtyp júrgeni unaıdy. Biraq partııany áýeli qurý kerek. Bul iste eń mańyzdy másele – adamdardyń qyzyǵýshylyǵy. Qazir saıasat týraly aıtýshylar kóp. Men ekologııalyq partııa qurý týraly usynys kóterdim. Biraq ol úshin kóp adam qajet. Qazir eldiń ishinde bul máselede túsinistik bar. Ekologııaǵa qatysy joq sala nemese adam bolmaıdy. Bárimizdiń qatysymyz bar. Qazaqstan úshin bul - erekshe másele. Ekologııa – ómirdiń negizi. Ekologııalyq partııa qurý jumysyn qaıta jandandyrýdy usynamyn. Bul partııa ekologııa problemalarymen ǵana aınalyspaýy kerek. Óıtkeni adam júrgen jerde ekologııa máselesi qosa júredi», - dedi ekolog.
Onyń paıymynsha, partııa qurý – memleketke qajet sharýa.
«Saıası baǵyt durys tańdalsa jetistik te bolady. Barsha jurtty ekologııa máselesimen saıası deńgeıde aınalysýǵa shaqyramyn. Halyqtyń ekologııalyq sanasy jetilgen bolýy kerek. Bul – bolashaqtyń qamy. Biz quratyn partııany halyqtyń qoldaǵany kerek», - deıdi Mels Eleýsizov.
Sondaı-aq, ol kún tártibinde turǵan ózekti ekologııalyq problemalar tóńireginde oı qozǵady.
«Aǵashty aıaýsyz kesý tyıylar emes. Almatyda jaıdan-jaı talaı aǵash otaldy. Bul Almatynyń ómirine qaýipti. Ekologııa máselesi tym aýqymdy. Sondyqtan eshkim eshteńeni sheshe almaı otyr. Kez kelgen máseleni ekologııa turǵysynan qaraýǵa bolady. ıAǵnı, sheshim qabyldaǵan kezde ekologııalyq turǵydan kelsek, nátıje bolady. Qazir klımattyń jylynýy beleń alyp tur. Tabıǵı resýrstar sarqylyp jatyr. Tipti óte az qaldy. Ekologııa mınıstrliginiń geologııalyq barlaýǵa mán berýi tegin emes. Qazir shara qoldanbasaq, qapy qalamyz. Qazirdiń ózinde terrıtorııamyzdyń 4% sýǵa aınalyp ketti. Muzdyqtardyń 44% erip joǵaldy. Bulaı kete berse, sýsyz qalamyz. Bul iske saýatty kelý kerek», - deıdi tabıǵat janashyry.
Qazir búkil eldiń aýzynda júrgen Sorbulaqtyń máselesimen ol 35 jyldan beri alysyp kele jatqanyn aıtty.
«Meniń buǵan deıin aıtqandarymnyń bári shynǵa aınalyp otyr. Qazir ahýal qıyn. Sorbulaq búlinse, Balqash aýdany, Іle aýdanynyń jartysy qaýip astynda qalady. Bári bul máseleni jyly jaýyp qoıǵysy keledi. Biraq problemadan qashqanmen qutylmaısyń. «Tabıǵat – salıqaly uıym. Biz problemany kórsetip qanaı qoımaı, sheshý jolyn usynamyz. Sorbulaq máselesi boıynsha bizden basqa eshkim naqty sheshim usynǵan da joq», - deıdi «Tabıǵat» ekologııalyq qaýymdastyqtar men kásiporyndar odaǵynyń tóraǵasy.
QR Prezıdenti janyndaǵy Qazaqstan strategııalyq zertteýler ınstıtýtynyń áleýmettik-saıası zertteýler bóliminiń basshysy Indıra Rystınanyń aıtýynsha, jastar arasynda ekologııalyq partııaǵa degen suranys joǵary.
Foto: qazaly.kz