Mel Gıbson, Djon Voıt jáne Sılvestr Stallone Gollıvýdta arnaıy elshi bolady

<p>ASTANA.KAZINFORM - AQSh-tyń jańa prezıdenti Donald Tramp Gollıvýdtaǵy arnaıy elshiler retinde úsh akterdi tańdady, dep habarlaıdy <a href="https://www.cbsnews.com/news/trump-mel-gibson-jon-voight-sylvester-stallone-special-envoys-hollywood/" target="_blank" rel="noopener">CBS News</a>.</p>

Mel Gıbson kez-kelgen kómek kórsetý óziniń azamat retindegi mindeti dep sanaıdy.

Keıingi jyldary AQSh-ta kınoındýstrııa men teleshoýlar óndirisi COVID-19 pandemııasyna, 2023 jyly Gollıvýd gıldııalary ereýiline jáne Los-Anjeles aımaǵynda bolyp jatqan orman órtterine baılanysty qıyndap ketken. Prodpro málimetteri boıynsha, Gollıvýdtyń jalpy óndirisi 2021 jylmen salystyrǵanda 26% - ǵa tómendedi.

Úlken Los-Anjeles aımaǵynda fılm óndirisi 2023 jyldan bastap 5,6% - ǵa qysqardy, bul FilmLA málimetteri boıynsha 2020 jyldan bergi eń tómengi kórsetkish.

Ótken qazan aıynda Kalıfornııa gýbernatory Gevın Nıýsom Kalıfornııa kınosy men teledıdaryna salyqtyq jeńildikter baǵdarlamasyn jylyna 330 dollardan 750 mıllıon dollarǵa deıin keńeıtýdi usyndy. Atlanta, Nıý-Iork, Chıkago jáne San-Frantsısko sııaqty AQSh-tyń basqa qalalary óz qalalarynda fılm túsirýdi arttyrý úshin salyq jeńildikterin paıdalandy.

Donald Tramp Mel Gıbson, Djon Voıt jáne Sılvestr Stallone AQSh-taǵy kınoındýstrııanyń ósýine áser etýi múmkin dep úmittenedi.

Buǵan deıin Donald Tramp televızııalyq prodıýser Mark Bernetti Ulybrıtanııanyń arnaıy ókili etip taǵaıyndaǵanyn jarııalaǵan bolatyn.