Melbýrn mańynda 5,9 baldyq jer silkinisi boldy

MELЬBÝRN.QazAqparat – Sársenbi kúni Avstralııanyń ońtústik bóligindegi Melbýrn qalasy mańynda magnıtýdasy 5,9 baldyq jer silkinisi tirkeldi, dep habarlaıdy QazAqparat CNN-ge silteme jasap.

Avstralııanyń Vıktorııa shtatynyń tótenshe jaǵdaılar jónindegi memlekettik qyzmeti óziniń Twitter akkaýntynda jer silkinisiniń oshaǵy Vıktorııa shtatynyń Mansfıld aýyldyq qalashyǵyna jaqyn mańda ornalasqanyn aıtqan.

Bastapqyda jer silkinisiniń kúshi 6 ball bolyp, keıinirek 5,9 ball bolyp baǵalandy.

Avstralııanyń ekinshi úlken qalasy – Melbýrnnyń ortalyq bıznes aýdanynda kem degende bir ǵımarat pen jlektr berý jelilerine zaqym keldi.

Sońǵy birneshe jylda qalada mundaı iri jer silkinisi bolmaǵan. Qazirgi ýaqytta zardap shekkender týraly aqparat habarlanǵan joq.

Sondaı-aq, jer silkinisiniń dúmpýi epıtsentrden 800 km qashyqtyqta Ońtústik Avstralııanyń Adelaıda qalasynda, sondaı-aq epıtsentrden 900 km qashyqtyqta Jańa Ońtústik Ýels shtatyndaǵy Sıdneıde sezildi delingen.

Vıktorııa shtatynyń memlekettik tótenshe jaǵdaılar qyzmeti tsýnamı qaýpin joqqa shyǵardy.

Avstralııa aýmaǵy tektonıkalyq plıtanyń ortasynda ornalasqan, sondyqtan iri jer silkinisteri óte sırek kezdesedi.

Geoscience Australia málimetteri boıynsha, 6.6 balldyq eń iri jer silkinisi 1988 jyly Soltústik aýmaqta tirkelgen.