Mektepterdiń bastaýysh synyptarynda qazaq tiline basymdyq berilgeni durys - Qasym-Jomart Toqaev

NUR-SULTAN. QazAqparat - Mektepterdiń bastaýysh synyptarynda qazaq tiline basymdyq berilgeni durys. Bul týraly Memleket basshysy Qasym-Jomart Toqaev Respýblıkalyq «Ana tili» basylymyna bergen suhbatynda aıtty, dep habarlaıdy QazAqparat tilshisi.

«Qazaq tiliniń mártebesin arttyrý jolynda kınematografııanyń da alar orny erekshe. Bizge tarıhı oqıǵalardy dáripteıtin, qazirgi qoǵamdy da beıneleıtin sapaly dúnıeler kerek. Qyrǵyz kınogerleri «Qurmanjan datqa» degen mándi, maǵynaly, kóz qýantyp, kóńil tolatyn fılm túsirdi. Soǵan bar-joǵy 1,5 mıllıon dollar jumsaǵan. Al bizdiń kınematografıster budan áldeqaıda kóp suraıdy. Al túsirgen dúnıeleriniń sapasy árdaıym kóńilden shyǵa bermeıdi. Ókinishke qaraı, búginde bizdiń kınogerler de aýyzbirshilik tanyta almaı otyr. Bul – shyǵarmashylyqty turalatatyn jaǵdaı. Árıne, aýyzdy qý shóppen súrte berýge bolmaıdy. Meni elimizdegi blogosferanyń qazaq tiline qaraı yńǵaılanyp kele jatqany qýantady. Deı turǵanmen, biz ásireultshyldyq pen radıkalızmge boı aldyrmaýyz qajet. Sondaı-aq qazaq tilin damytamyz dep orys tiliniń mártebesin shektemeýimiz kerek. Joǵaryda aıtqanymdaı, til máselesiniń astarynda úlken saıasat bar. Sondyqtan bul turǵyda asyǵystyq pen jalań urandatý memlekettigimizge kesirin tıgizýi múmkin», - dedi Memleket basshysy.

QR Prezıdenti jalpy alǵanda, joǵary oqý oryndarynda naqty ǵylymdardy orys tilinde oqyta bergen jón ekendigin aıtady.

«Osy rette bizge Malaızııanyń tájirıbesi úlgi bola alady. Bul el alǵashqyda aǵylshyn tilinen bas tartyp, keıinnen oılana kele, ony joǵary oqý oryndarynda jáne dıplomatııalyq qarym-qatynastyń quraly retinde qaldyrdy. Bizdiń óskeleń urpaq qazaq tilimen qatar, orys tilin de erkin meńgerýi kerek. Bul – ýaqyt talaby. Mektepterdiń bastaýysh synyptarynda qazaq tiline basymdyq berilgeni durys. Orys tilin de oqytý kerek. Al aǵylshyn tilin 5-6 synyptardan bastap mektep baǵdarlamasyna engizgen abzal»,- dedi Qasym-Jomart Toqaev.

Memleket basshysy qazir demografııalyq ahýaldyń ózi qazaq tiliniń upaıyn túgendeý baǵytyna qaraı damyp kele jatqandyǵyn erekshe atap ótti.

«ıAǵnı biz alǵa qoıǵan maqsatymyzǵa mindetti túrde jetemiz. Mundaı astary qalyń, el taǵdyryn sheshetin irgeli iste asyǵystyqqa jol bermeý kerek. Qaıta árbir áreketimizdi aqylǵa salyp, moınymyzdaǵy tarıhı jaýapkershilikti barynsha sezine otyryp jumys istegenimiz durys. Osyndaı órkenıetti qadamdardyń nátıjesinde ǵana qazaq tili ǵylym tiline aınalady», - dedi QR Prezıdenti.