Mektepterde ulttyq kıimge aqsha jınaý zańdy ma

<p>ASTANA. KAZINFORM &mdash; Oqý-aǵartý mınıstri Ǵanı Beısembaev mektepterde ulttyq kıim kııý bastamalary týraly pikir bildirdi.</p>

Úkimet otyrysynan keıin ótken baspasóz máslıhatynda Astanadaǵy № 60 mekteptiń ata-analary ákimshilik juma kúnderi kııý úshin balalarǵa ulttyq kıim alýǵa májbúrlep jatqany týraly shaǵymdar túsken aıtyldy. Jýrnalıst suraǵyna jaýap bergen mınıstr bul erikti túrde, ujym bolyp qabyldaǵan sheshim ekenin aıtady. 

— «Birtutas tárbıe» atty tárbıe jumystarynyń aıasynda bilim berý uıymdarynda ata-analar komıtetiniń sheshimimen sheshim qabyldanady. Ol týraly maǵan da aqparat berilip otyrady. Men ondaı sheshimniń erikti túrde jasyryn nıetsiz-aq qabyldanǵanyna kóz jetkizý úshin ata-analarmen kezdestim. Alaıda bul mınıstrlik buıryǵymen qabyldanǵan zańǵa qaıshy bolmaý kerek, — dedi Ǵanı Beısembaev.

Sondaı-aq, mınıstr mektepte ulttyq kıimmen júrýge eshqandaı shekteý joq ekenin atap ótti. 

Aıta ketý kerek, elimizde mektepke arnalǵan kıimge qoıylatyn barlyq talap Keden odaǵynyń tehnıkalyq reglamentine cáıkes retteledi.