Mektepterde patrıottyq rýhqa ekpin berý kerek - Qýanysh Sultanov

NUR-SULTAN. QazAqparat - Mektepterde ata-anaǵa meıram kezinde dastarhan jaıǵyzýdy qoıý kerek. Bul týraly Májilistiń jalpy otyrysynda depýtaty Qýanysh Sultanov aıtty, dep habarlaıdy QazAqparat tilshisi.

«Ulttyq meıramdarymyz, Naýryz meıramymyz bar. Osyndaı kezde mektepterde oqýshylarǵa, oqýshylar arqyly olardyń ata-analaryna tapsyrma berip, mektepterge bir nárseler ákelgizip, dastarhan jaıǵyzýdy qashan qoıamyz? Osylardy toqtataıyq ta. Naýryz meıramy baýyrsaq pisirýmen bitpeıdi ǵoı. Ulttyq namysymyz, patrıottyq rýh qaıda? Bizdiń ánuranymyz, týymyz qaıda? Osylarǵa ekpin berýmiz kerek», - dedi depýtat.

Sonymen qatar ol qoǵamdyq sharalar arqyly balanyń qoǵamǵa, óziniń Otanyna degen súıispenshiligin oıatyp, mindetin túsindirý kerektigin basa aıtty.

«Sodan keıin pedagogtyń sansyz esep berýin toqtaý kerek. Pedagogtyń kún saıyn oqý isi jónindegi meńgerýshige, dırektorǵa esepteri bar. 350 qaǵaz jazady eken. Qajeti qansha? Pedagog oqýshynyń dápterin teksersin, oqýyn qarasyn», - dedi Qýanysh Sultanov.

Aıta keteıik, QR Parlamenti Májilisiniń jalpy otyrysynda «Pedagog mártebesi týraly» zań jobasy birinshi oqylymda talqylanyp, maquldandy.