Mektepterde hıdjab kııýge ruqsat berile me

ASTANA. QazAqparat – Oqý-aǵartý mınıstri Ǵanı Beısembaev oqýshylardyń hıbdaj kıip mektepke kelýine qatysty pikir bildirdi, dep habarlaıdy QazAqparat tilshisi.

Úkimet otyrysynan keıin ótken baspasóz máslıhatynda BAQ ókilderi Oqý-aǵartý mınıstri Ǵanı Beısembaevtan mektepterde hıdjab kııýge ruqsat berile me? - degen saýal qoıdy.

«Bárimiz bilemiz, Konstıtýtsııada jazylǵandaı, biz zaıyrly memleketpiz. Sondyqtan memleket te, mektepter de Konstıtýtsııaǵa sáıkes ómir súrýi kerek dep oılaımyn. Zaıyrly memlekettik zańdy oryndaýǵa tıispiz. Mektepte balalardyń bilim daǵdylaryn qalyptastyrǵan kezde ol zań talaptaryna sáıkes júrgizilýi kerek», - degen jaýap qatty Ǵanı Beısembaev.

Aıta keteıik, mınıstr atalǵan saýalǵa naqty «ıá» nemese «joq» demedi.

Búgin Úkimet otyrysynda qaralǵan suraqtardyń biri jańa oqý jylyna daıyndyq barysy. Bıylǵy oqý jylyndaǵy ózgeristermen tolyǵyraq osy silteme arqyly tanysa alasyzdar.