Mektepter men balabaqshalar beınebaqylaý kameralarymen qashan jabdyqtalady

ASTANA. QazAqparat - QR Bilim jáne ǵylym vıtse-mınıstri Elmıra Sýhanberdıeva Qazaqstan mektepteri men balabaqshalaryn beınebaqylaý kameralarymen jabdyqtaý jumystary jóninde baıandady, dep habarlaıdy QazAqparat tilshisi. 

Onyń aıtýynsha, qazirgi ýaqytta Qazaqstan mektepteri men balabaqshalarynyń 80 protsenti beınebaqylaý kameralarymen jabdyqtalǵan.

"Qaýipsizdik pen bilim sapasy bárinen de mańyzdy. Respýblıka boıynsha beınekameralarmen qamtamasyz etýde Atyraý oblysy (87%) kósh bastap tur. Pavlodar, SQO, Qaraǵandy oblystary da aldyńǵy qatarda. Kerisinshe, eń tómengi kórsetkish Túrkistan oblysyna (37%) tıesili. Shymkent qalasy men Qyzylorda oblysynda da beınekameralarmen jabdyqtalǵan mektepter óte az", - dedi vıtse-mınıstr Elmıra Sýhanberdıeva Úkimette ótken baspasóz máslıhatynda.

Onyń aıtýynsha, mınıstrlik óńirlerge úsh jyl ýaqyt berdi jáne  jabdyqtaý jumystary boıynsha ákimdikter tikeleı jaýap beredi.

"Úsh jylda Qazaqstannyń barlyq mekteperi men balabaqshalary beınebaqylaý kameralarymen 100% jabdyqtalýy tıis", - dedi Elmıra Sýhanberdıeva.