Mektep dırektorlary men aýrýhana basshylaryna kásipkerlikpen aınalysýǵa ruqsat berilýi múmkin
Sybaılas jemqorlyqqa qarsy is-qımyl agenttigi zańnamany konstıtýtsııaǵa sáıkestendirý úshin osyndaı túzetý usynyp otyr. Agenttik tóraǵasynyń birinshi orynbasary Ulan Sarqulov zańnamany Konstıtýtsııa normalaryna sáıkes keltirýge arnalǵan zań jobasyn birinshi oqylymda tanystyra otyryp osyndaı málimet keltirdi.
«Zań jobasy Konstıtýtsııalyq sottyń 2023 jylǵy 13 maýsymdaǵy normatıvtik qaýlysynyń iske asyrýǵa baǵyttalǵan. orys normatıvtik qaýlyǵa sáıkes, «Sybaılas jemqorlyqqa qarsy is-qımyl týraly» Zańnyń 13-baby memlekettik fýnktsııalardy oryndaýǵa ýákilettik berilgen adamdarǵa teńestirilgen barlyq adamdarǵa kásipkerlik quqyqtyq shekteý bóliginde Konstıtýtsııaǵa sáıkes kelmeıtin bolyp tanyldy. ıAǵnı, memlekettik qyzmetshilerge teńestirilgen adamdar kásipkerlik qyzmetpen aınalysýǵa múmkindik alady. Mundaı adamdarǵa respýblıkalyq memlekettik kásiporyndarda, kommýnaldyq kásiporyndarda, kommýnaldyq memlekettik mekemelerde, onyń ishinde mektepterde, aýrýhanalarda, basqarý fýnktsııalaryn iske asyratyn adamdar jatady. Bular: birinshi basshylar, olardyń orynbasarlary, bas býhgalterler, memlekettik satyp alý departamentteriniń basshylary, fılıaldardyń basshylary», - dedi ol.
Jańa norma memlekettik qyzmetshige teńestirilgenderdiń bárine birdeı qoldanylmaıtynyn aıtý kerek.
«Sonymen qatar, burynǵydaı teńestirilgen adamdardyń arasynan keıbir adamdarǵa kásipkerlik qyzmetpen aınalysýǵa tyıym saqtaý usynylady. Birinshi, mundaı tyıym Saılaý týraly konstıtýtsııalyq zańda bekitilgendikten, ókilettigin turaqty negizde júzege asyratyn aýmaqtyq saılaý komıssııalarynyń múshelerine tyıym saqtalady. Ekinshiden, atalǵan qyzmetshiler baqylaý, qadaǵalaý fýnktsııalaryn iske asyratyndyqtan Ulttyq banktiń, Qarjy naryǵyn retteý jáne damytý agenttiginiń, Azamattyq avıatsııa salasyndaǵy ýákiletti uıymnyń qyzmetshilerine tyıymdy saqtaý usynylyp otyr. Úshinshiden, qyzmetiniń baǵytyna baılanysty ulttyq holdıngter men ulttyq kompanııalardaǵy basqarýshylarǵa tyıym saqtalady. Bul kásiporyndardyń qatardaǵy qyzmetkerleri zańmen tyıym salynbaǵan kásipkerliktiń kez kelgen túrimen aınalysýǵa quqyly», - dedi Ulan Sarqulov.