Mekteptegi kameralardyń 21 paıyzy talapqa saı emes

NUR-SULTAN. QazAqparat – Mektepter men balabaqshalarda ornatylǵan beınebaqylaý júıesiniń 11,4%-y ǵana polıtsııanyń jedel basqarý ortalyǵyna qosylǵan, dep habarlaıdy QazAqparat tilshisi.

Úkimet otyrysynda balalardyń qaýipsizdigin qamtamasyz etý máseleleri týraly baıandama jasaǵan Bilim jáne ǵylym mınıstri Ashat Aımaǵambetov osyndaı derekter keltirdi.

«Búginde mektepter men balabaqshalar 100% beınebaqylaý júıesimen jabdyqtalǵan. Biraq onyń 21%-y bekitilgen talaptarǵa sáıkes kelmeıdi. Biz jýyqta ǵana aýqymdy tekserý jurgizgen bolatynbyz. Sol kezde osy másele belgili boldy. Tek qana 823 mektep nemese 11,4%-ynyń beınebaqylaý júıesi polıtsııa organdarynyń jedel basqarý ortalyǵyna qosylǵan», - dedi mınıstr.

Vedomstvo basshysy arnaıy kúzetpen qamtylǵan mektepterdiń sany 466 ǵana ekenin aıtady.

Bul - eldegi orta bilim nysandarynyń 6,4%-y ǵana degen sóz.

«Barlyq mekteptiń 14,9%-ynda ǵana dabyl túımesi bar. Búkil mektepterdi jaqyn arada osyndaı qurylǵymen qamtý qajet», - dedi Bilim jáne ǵylym mınıstri.