Mekteptegi býllıngti qalaı toqtatýǵa bolady – psıholog keńesi

<p>ASTANA. KAZINFORM &ndash; Qazaqstandyq otbasylyq psıholog, psıhoterapevt Serikgúl Sálı mekteptegi býllıng, qysymdy toqtatýdyń joldaryn atady.</p>

- Jaqynda synyp jetekshileriniń jalaqysyn kóterý kerek degen másele qozǵaldy jáne bul iske asýǵa jaqyn tur. Parlamentte osyndaı sóz qozǵaldy, bul Oqý-aǵartý mınıstrligi tarapynan iske asqaly jatyr. Eger synyp jetekshileriniń jalaqysy kóteriletin bolsa, árbir ustaz synyp jetekshisi bolýǵa talassa, ustazdyń ustazy synyp jetekshisi bolady. Ol shynymen balanyń ekinshi anasy nemese ákesine aınalady. Synypta otyrǵan 30 balanyń árqaısysyn jeke taný degen qıyn emes. Ol úshin ustazǵa tólenetin aqsha kóbirek bolý kerek, - dedi Serikgúl Sálı suhbat barysynda.

Psıhologtyń dáıeginshe, sol kezde árbir bala men ata-anasyn jaqyn tanýǵa bolady.

- Ata-analar jınalysyna múldem kelmeı me, óıtip-búıtip baryp bir kóredi. Bala qandaı otbasynda ósip jatyr, bala qandaı qysymda ósip kele jatyr. Osynyń bárin bilip, balanyń ekinshi anasy, ákesi bola alsa ol bala janynan, ishki jan-dúnıesiniń esigin ashyp, osy ustazǵa oryn beredi. Ustazyn jaqsy kórgen bala mektepten shyqqysy kelmeıdi, bos ýaqytynda mektepke kelgisi kelip turady- deıdi ol.

Osyǵan deıin býllıng máselesi tek jasóspirimder men jastardyń arasynda ǵana emes aǵaıyn-týystyń arasynda da kezdesetini týraly aıtqan edi.