Mektepte uıymdastyrylatyn oqýshy tamaqtary bıýdjet qarajatynan eki esege tómenge satyp alynǵan - BǴM

ASTANA. 19 qarasha. QazAqparat - Qazaqstannyń birqatar qalalarynda mektepte uıymdastyrylatyn oqýshy tamaqtary bólingen bıýdjet qarajatynan eki esege tómen satyp alynǵan. Bul týraly búgin Májiliste «Nur Otan» partııasy fraktsııasy janyndaǵy Áleýmettik keńesiniń otyrysynda Bilim jáne ǵylym mınıstrliginiń Jaýapty hatshysy Álııa Ǵalymova osylaı málim etti. Eske salsaq, keńes otyrysynda «Mekteptegi balanyń tamaǵyn uıymdastyrý máselesi» talqylanǵan bolatyn.

Jaýapty hatshynyń aıtýynsha, ata-ana men muǵalimder arasynda kóp áńgime týdyrǵan problemanyń biri - mekteptegi tamaqtandyrý aıasyndaǵy memlekettik satyp alýlar. «Memlekettik satyp alýlardy júrgizý barysynda jergilikti bilim berý organdary kóp jaǵdaıda baǵalardyń usynysy tásilin qoldanady. Ókinishke qaraı mundaı jaǵdaıda tómen baǵa basty ról atqarady. Al aýyldyq jerlerde balalarǵa daıyn taǵam usynatyn kásipkerlerdiń joqtyǵy da máseleni ózektige aınaldyryp otyr», - deıdi Á. Ǵalymova.

Onyń sózine qaraǵanda, Almaty qalasynda bıýdjetten 3 mlrd. 854 mln. teńge bólinip, bul bir oqýshyǵa 300 teńge boıynsha eseptelgen. Al konkýrsta osy qyzmetti 168 jáne 190 teńgege usynǵan kompanııa jeńip aldy. Al Oral qalasynda bir mektep oqýshysyna kúnine 150 teńge boıynsha belgilense, jetkizýshige bul kórsetkish eki ese tómen usynylǵan. Alaıda mundaı qarajatqa qanshalyqty sapaly taǵam alýǵa bolatyny túsiniksiz qalýda.

«Meniń oıymsha, bul másele búgin pisip jetildi jáne basqa da memlekettik organdarmen birlese talqylaýdy qajet etedi. Árıne, mekteptegi tamaqtandyrý máselelerin uıymdastyrýda baǵa ǵana emes, basqa da basymdyqtar, basqa da krıterııler esepke alynýy shart», - dedi Á. Ǵalymova.