Mektepte ótetin is-sharalarǵa anımatorlardy jaldaýǵa bolmaıdy

AQTAÝ. QazAqparat - Bıyl Mańǵystaý oblysynda oqýshylarǵa aqsha jınap, mektepke nemese muǵalimderge syılyq jasaýǵa tyıym salynǵan, dep habarlaıdy QazAqparat tilshisi.

Bilim ordasynda ótetin sharaǵa anımatorlardy jaldap shaqyrýǵa bolmaıtyny aldyn ala eskertilgen. Túlekterdiń avtokólikti jalǵa alyp, qala ishinde júrýine de tyıym salynǵan. Sondaı-aq tabıǵatqa ekskýrsııa jasaýǵa, qala syrtyndaǵy saýyqtyrý oryndaryna barýyna da shkteý qoıylǵan.

«Jalpy aldaǵy ýaqytta da balabaqsha men mektepterde anımatorlarmen shara ótkizýge jol berilmeıdi. Sonymen qatar merekelik dastarhan da jaıylmaıdy. Túlekterdiń avtokólikti jalǵa alyp, qala ishinde, tabıǵatqa ekskýrsııa jasaýǵa, qala syrtyndaǵy saýyqtyrý oryndaryna barýyna jol berilmeıdi. Barlyǵy qatań baqylaýda bolady. Meıramhana, dámhana jáne kóńil kóterý oryndarynda otyrys uıymdastyrýǵa ruqsat etilmeıdi», - dedi Mańǵystaý oblystyq bilim basqarmasy basshysynyń orynbasary Aıjaqsy Turjanova.