Mektepte oqýshylardyń uıaly telefon qoldanýyna tyıym salýǵa bola ma – mınıstr jaýaby

ASTANA. QazAqparat – Mektepte oqýshylardyń uıaly telefondy qoldaný nemese oǵan tyıym salý sheshimin bilim ordasynyń qamqorshylyq keńesi sheshedi.

Ortalyq kommýnıkatsııalar qyzmetinde ótken brıfıngide oqýshylardyń sabaq kezinde gadjetterdi ustaýyna qatysty jaýap bergen Oqý-aǵartý mınıstri Ashat Aımaǵambetov osylaı málimdedi, dep habarlaıdy QazAqparat tilshisi.

«Ózderińiz biletindeı, bizde tyıym salý degen ońaı. Biraq tyıymmen barlyq másele sheshilmeıdi. Ol muǵalim bolǵannan keıin balalarmen tıisti jumys júrgizýi kerek. Sonymen qatar, biz barlyq mektepterge arnaıy quziret berdik. Ol qandaı quziret ? Ár mektep óziniń ishki erejelerin ózderi qabyldaıdy. Sonyń ishinde telefon qoldaný tártibin de bekitýge bolady. Keıbir mektepterde sabaq bastalǵan ýaqytta balalar telefondaryn tıisti jerge qoıyp qoıady. Al endi keıbir mektepterde kireberiste arnaıy jáshikke qaldyryp ketedi telefondaryn. Ol birinshi kezekte mekteptiń qomqorshylyq keńesi men pedagogıkalyq keńesiniń quzyretinde», - dep túsindirdi Ashat Aımaǵambetov.

Brıfıngi aıasynda mınıstr sheteldik pedagogterdi jumysqa qabyldaý tártibin de túsindirdi. Aıtýynsha, pedagogterdi jumysqa qabyldaý kezinde úmitkerler Ulttyq biliktilik testinen ótýi tıis.

Qosa ketsek, sonymen qatar taıaýda Qazaqstanda «Pedagog» kásibı standarty qabyldanady. Málim bolǵandaı, onyń engizý jumystary aıaqtalýǵa jaqyn.