Mektepte aqsha jınaý faktisi úshin 10 AEK aıyppul salynýy múmkin

ASTANA. QazAqparat – Oqý-aǵartý mınıstri Ǵanı Beısembaev mektepterde túrli sebeppen qarajat jınaý máselesi týraly pikir bildirdi, dep habarlaıdy QazAqparat tilshisi.

«Mektepterde qajetsiz sharalarǵa aqsha jınaýǵa shekteý qoıý týraly bizdiń mınıstrliktiń buıryǵy shyqqan. Jeke ózim mektep dırektory bolyp istegenimde osy úrdisti toqtatqanmyn, odan esh problema kórgen joqpyn. Ata-analar renjip, qarjy jınaǵysy keldi, shekteý qoıǵan soń mektep ujymy da, ata-analar da kóndikti», - dedi mınıstr Úkimet otyrysynan keıingi kýlýarda.

Onyń aıtýynsha, qazir de buıryqqa baǵynbaý faktileri anyqtalyp jatyr. Sondyqtan Oqý-aǵartý mınıstrligi Sybaılas jemqorlyqqa qarsy kúres agenttigimen birlesip, tıisti shara qabyldaýdy bastady.

«Bul baǵytta eń aldymen kez kelgen azamat aqsha jınaý faktisi týraly koll-ortalyqqa habarlaı alady. Ázirge 20 mektepten osyndaı shaǵym túsip úlgerdi. Ekinshiden, buıryqqa baǵynbaı, burynǵy «dástúrdi» jalǵastyrǵan mektep basshylyǵyna agenttik tarapynan shara qoldanylady. ıAǵnı, 10 AEK mólsherinde aıyppul tóleý qarastyrylyp otyr», - dep túsindirdi Ǵanı Beısembaev.