Mektepte aqsha jınaý faktisi boıynsha qaıda habarlasýǵa bolady - Qostanaı

QOSTANAI. QazAqparat – Qostanaı oblystyq bilim basqarmasy bilim berý mekemelerinde aqsha jınaý faktisi bolsa, senim telefonyna habarlasýdy suraıdy, dep habarlaıdy QazAqparat tilshisi vedomstvo basshysy Záýre Baımenovanyń Instagram paraqshasyna silteme jasap.

«Jańa oqý jyly jaqyndap qaldy, mektepter men balabaqshalarda ata-analardan nemese qyzmetkerlerden aqshalaı qarajat jınaý máselesi ózekti bolyp otyr. Taǵy atap óteıin, bilim basqarmasy eshqashan aqsha jınamaıdy jáne bilim bólimderi men mektep dırektorlaryna mektep pen balabaqshanyń jóndeý jumystaryna, pedagogtarǵa syılyqqa, is-shara ótkizýge, jumysqa qabyldaýǵa aqsha jınańdar dep eshqashan tapsyrma bermeıdi!», - dedi bilim basqarmasynyń basshysy.

Ókinishke qaraı, onyń aıtýynsha, mundaı jaǵdaılar bolǵan.

«Basqarmanyń buıryǵymen aqshalaı qarajat jınaýǵa tyıym salynady! Sondyqtan, ata-analardan nemese qyzmetkerlerden aqsha jınaý, sondaı-aq basqa da jemqorlyq faktileri oryn alsa, 8-7142-37-08-58, 8-708-087-42-01 senim telefonyna habarlasý kerek. Sizderdiń barlyq ótinishterińiz qaralady, qajetti sharalar qoldanylady», - dep atap ótti Záýre Baımenova.

Sondaı-aq, ol bilim berý mekemelerindegi jemqorlyq faktisi boıynsha áleýmettik jeli arqyly jeke akkaýntty kórsetip, tikeleı oǵan shaǵymdana alatynyn atap ótti.

Avtory: Janna Musabaeva