Mektepke jumysqa ornalastyramyn: Alaıaq muǵalimdi 700 myń teńgege aldady

TARAZ. QazAqparat - Jambyl oblysynda mektepke jumysqa ornalasqysy kelgen pedagog alaıaqqa aldanyp qaldy, dep habarlaıdy QazAqparat Polisia.kz-ke silteme jasap.

Taraz qalasynyń turǵyny alaıaqtyq deregi boıynsha polıtsııaǵa aryzben júgingen. Aıtýynsha, bıylǵy jyldyń qańtar aıynda tanys áıel ony mektepke muǵalim bolyp jumysqa ornalastyrýǵa ýáde berip, óziniń «qyzmeti» úshin 700 myń teńge alǵan.

«Jábirlenýshi oǵan suraǵan aqshasyn bergen, alaıda ýáde etken jumys ornyna tura almaǵandyqtan, polıtsııaǵa shaǵymdanǵan.

Atalǵan derekke qatysty QR Qylmystyq kodeksiniń 190-baby 1-bóligi (Alaıaqtyq) boıynsha sotqa deıingi tergeý amaldary bastaldy.

Polıtsııa qyzmetkerleri jedel-izdestirý is-sharalaryn júrgizý barysynda oblys ortalyǵynyń 48 jastaǵy turǵynyn anyqtady. Áıel óz kinásin moıyndady. Ol «kelý týraly mindettememen» bosatyldy.

Qazirgi tańda istiń egjeı-tegjeıli mán-jaıyn anyqtaý maqsatynda qajetti jedel-tergeý áreketteri júrgizilip jatyr», - delingen polıtsııa habarlamasynda.