Mektepke jol: Kómekke muqtaj ata-analar úshin jedel jeli iske qosyldy

ASTANA. QazAqparat – Elimizdiń iri saýda ortalyqtarynda muqtaj otbasylardyń balalaryna mektepke daıyndyq boıynsha kómek kórsetý pýnktteri ashyldy. Odan bólek, ata-analardyń saýaldaryna jaýap beretin jedel jeli iske qosyldy, dep habarlaıdy QazAqparat tilshisi.

«Mektepke jol» respýblıkalyq qaıyrymdylyq aktsııasy 2008 jyldan bastap turaqty uıymdastyrylyp keledi. Atalǵan kómek az qamtylǵan, kópbalaly otbasylardyń balalary, asyraýshysynan aıyrylǵan jáne erekshe balalarǵa baǵyttalǵan. Odan bólek, atalǵan sanattaǵy balalar jalpyǵa birdeı bilim berý qorynan da qarjylaı kómek alyp keledi», -dedi Oqý-aǵartý vıtse-mınıstri Edil Ospan OKQ-de ótken brıfıngide.

Onyń aıtýynsha, atalǵan qaıyrymdylyq shara dástúrge aınaldy.

«Ótken jyly demeýshiler men metsenattar 3 mlrd 781 mln teńgege 204 myńnan astam oqýshyǵa kómek kórsetti. Bıyl qaıyrymdylyq aktsııasy 1-30 qyrkúıek aralyǵynda «Jaqsylyq jasa» uranymen ótedi. Azamattardyń ótinishine nazar aýdarý maqsatynda jedel jeli iske qosyldy. Odan bólek, iri saýda ortalyqtarynda muqtaj oqýshylarǵa gýmanıtarlyq kómek kórsetý pýnktteri ashyldy. Balalardyń quqyǵyn qorǵaý komıtetinde 74-25-28 jedel baılanys telefonyna habarlasýǵa bolady. Sondaı-aq, BALA QORǴAÝ Telegram chaty jumys isteıdi», - deıdi ol.