«Mektepke jol»: Abaı oblysynda 900-den astam balany demeýshiler mektepke daıyndady
Abaı oblysy ákimdiginiń málimetine súıensek, óńirde áleýmettik turǵyda osal sanattaǵy otbasy balalaryn mektep formasy jáne keńse taýarlarymen qamtamasyz etý jumystary júrgizilýde.
«Búginde «Jappaı oqytý» qorynan mektepke qajetti kıim-keshek pen keńse taýarlaryn alý úshin 22 165 balanyń ata-anasynyń shotyna 40 655 teńgeden aýdaryldy. Sondaı-aq «Mektepke jol» respýblıkalyq aktsııasy aıasynda demeýshiler esebinen jalpy somasy 11 985 850 teńgege 867 balaǵa kómek kórsetildi. Demeýshilerdiń qatarynda jergilikti sharýa qojalyqtary, jeke kásipkerler, bilim berý mekemeleriniń pedagogtary, HQKO, ákimdik qyzmetkerleri bar», - delingen aqparatta.
Budan bólek, oblys kóleminde 1 609 bala «Qazaqstan halqyna» qoǵamdyq qorynan qosymsha kómek almaq.
Aıta keteıik, «Mektepke jol» aktsııasy 31 qyrkúıekke deıin jalǵasady.