Mektep, zaýyt, medortalyqtar: Elordada qandaı nysandar salynady

NUR-SULTAN. QazAqparat – Nur-Sultan ákiminiń tóraǵalyǵymen ótken ınvestıtsııa máseleleri jónindegi óńirlik keńeste bilim berý, densaýlyq saqtaý, sport jáne ónerkásip salasy boıynsha 12 joba tanystyryldy, dep habarlaıdy qalalyq ákimdiktiń baspasóz qyzmeti.

Jobalardy iske asyrý 1 myńnan astam jumys ornyn qurýǵa jáne el ekonomıkasyna 20 mlrd teńgeden astam qarjy tartýǵa múmkindik beredi.

Jeke ınvestıtsııalar esebinen jalpy bilim beretin ortalyq, tórt mektep salý josparlanyp otyr, 2-shi bazada balabaqshalar jumys isteıtin bolady. Bul shamamen 4,5 myń oqýshy ornyn qurýǵa múmkindik beredi. Mysaly, «International School of Nur-sultan City» JShS fındik bilim berý ádistemesin engize otyryp, jeke mektep salýdy josparlap otyr.

Júıeniń ereksheligi - ár balaǵa jeke oqytý jospary jasalady. Mektepte jabyq basseın jáne fýtbol alańy bolady.

Keńeste sondaı-aq medıtsınalyq ortalyq, sport kesheni men kókónis saqtaý qoımasy qurylysynyń jobalary da qoldaý tapty.

Sonymen qatar, ónerkásip salasynda jańa jobalar qaraldy. Olar: asfalt-beton zaýyty, temir-beton buıymdary men kommýnaldyq arnaıy tehnıka shyǵaratyn zaýyt.

Búgingi tańda elordada 21,8 mlrd. teńge somasyna 6 ınvestıtsııalyq kelisimshart jasaldy: et óńdeý kesheniniń qurylysy boıynsha 1 joba, medıtsına salasynda - 1 jáne bilim berý salasynda jeke menshik mektepter qurylysy boıynsha 4 joba.