Mektep túlekterine «Altyn belgi» qaı ýaqytta tabystalady

<p>ASTANA. KAZINFORM &ndash; Oqý-aǵartý mınıstrligi oqý protsesin uıymdastyrý jáne sý basqan óńirlerdegi balalardy ornalastyrý boıynsha jumystardy júrgizip jatyr. Jalpy sý tasyǵan kezden bastap 45 myńǵa jýyq bala qaýipsiz jerge kóshirilgen. 120 myńnan astam oqýshy qashyqtan oqý formatyna kóshti.</p>

Bul týraly QR Oqý-aǵartý mınıstrliginiń resmı ókili Mereke Amangeldiqyzy Ortalyq kommýnıkatsııalar qyzmetinde ótken brıfıngte aıtty.

Búginde evakýatsııalyq pýnktterde bolǵan 5 myńǵa jýyq balanyń oqý protsesin jalǵastyrýyna jaǵdaı jasalǵan. Balalardy saýyqtyrý ortalyqtarynda 600-ge jýyq oqýshy, kolledjder men joǵary oqý oryndarynyń jataqhanalarynda 2 myńǵa jýyq bala, respýblıkalyq mańyzdaǵy mektep-lıtseılerdiń ınternattarynda 600-ge jýyq bala ornalastyryldy. Qosymsha rezerv retinde balalarǵa 7000 oryn ázirlendi.

«Elimizde sý tasqynyna baılanysty qalyptasqan jaǵdaıdy, sondaı-aq ata-analar qaýymdastyǵynyń usynysyn eskere otyryp, 2024 jylǵy 24 mamyrdaǵy oqý jylynyń aıaqtalýyna oraı barlyq mektepterde Biryńǵaı synyp saǵatyn ótkizý týraly sheshim qabyldandy. Dástúrli túrde Biryńǵaı synyp saǵatynyń aıasynda synyp jetekshileri oqýshylarymen birge ótken oqý jylynyń qorytyndysyn shyǵarady. Atap ótý kerek, attestattar tapsyrý jáne «Altyn belgimen» marapattaý emtıhandar aıaqtalǵannan keıin 12-15 - maýsym aralyǵynda ótedi», – dedi Mereke Amangeldiqyzy.