Mektep túlekteri bakalavrdy «Bolashaqpen» shetelde oqı alady

<p> ASTANA. KAZINFORM — Ǵylym jáne joǵary bilim mınıstri Saıasat Nurbek bakalavr deńgeıinde bilim alǵysy keletin talapkerler de «Bolashaq» baǵdarlamasyna qatysatynyn aıtty.</p>

Baspasóz máslıhatynda BAQ ókiliniń suraǵyna bergen jaýabynda vedomstvo basshysy mundaı sheshim byltyr qabyldanǵanyn aıtty.

Respýblıkalyq komıssııanyń sol sheshimin iske asyrý úshin bilim týraly zańnamaǵa ózgeris engizý qajet kórinedi. 

«Byltyr jyl aıaǵyna qaraı Parlamentke tıisti zań jobasyn engizgenbiz. Depýtattar qoldap, óz túzetýlerin qosyp, biz keliskenbiz. Úkimettiń qorytyndysy parlamentte jatyr. Parlamenttiń jańa sessııasy bastalǵannan keıin bul iske qaıta kirisemiz. Bıyl zań qabyldanýy kerek. Osylaısha „Bolashaq“ baǵdarlamasyna „bakalavrıat“ sanatyn qaıta qosamyz», — dedi Saıasat Nurbek. 

Biraq «Bolashaqtan» úmitker bakalavr talapkeri halyqaralyq olımpıadalarda júlde alǵan, ǵylymı konkýrstarda jeńimpaz atanǵan bolýy shart. 

Ondaı saıystardyń tizimin respýblıkalyq komıssııa bekitedi. 

Sondaı-aq, óz kúshimen álemniń jetekshi oqý oryndarynan shaqyrtý alǵan mektep oqýshylary da «Bolashaq» baǵdarlamasyna qatysa alady.