Mektep oqýshysynyń asyndaǵy 80 gr et 8 gramǵa qysqarǵan: Almaty turǵyny ákimge shaǵymdandy

ALMATY. QazAqparat- Almaly aýdanynyń turǵyny qala ákimi Erbolat Dosaevtan mektep ashanasyna tekserý júrgizýin surady, dep habarlaıdy QazAqparat tilshisi.

Almaly aýdany turǵyndary atynan kelgen Áset Ońalbaev qala ákiminen mektep ashanalaryn tekserý kerektigin aıtty.

«Qazir Almatydaǵy bastaýysh synyp oqýshylary tegin ystyq tamaqpen qamtyldy. Ol úshin úlken rahmet aıtamyz. Alaıda, qazir mektep ashanasy bir oqýshyǵa beriletin 60-80 gr etti 8-10 grammǵa deıin qysqartyp tastady. Jarııalanǵan moratorıı bar túsinem. Desekte, tekserý júrgizý kerek. Ózińiz, bilim jáne kásipkerlik basqarmasy osy máseleni qarastyrsańyzdar»,- dedi qala turǵyny.

Erbolat Dosaevtyń aıtýynsha, tekserý júrgizý boıynsha qıynshylyqtar bar. Qazir mektep ashanasyn ata-analar komıteti qarap jatyr.

«Jańa jyldan bastap bıýdjetten shamamen 20 mlrd teńgege jýyq qarjy bólinedi. Mektep ashanalarynyń sapasyn kóteremiz»,- dep jaýap berdi qala basshysy.

Buǵan deıin Almaty kásipkerleri oqýshylardy tegin tamaqtandyrýǵa bólingen qarajat shyǵyndy aqtamaıtynyn aıtqan bolatyn.