Mektep oqýshysy ymmen, ısharamen kóńil-kúıdi bildire alatyn bala kútýshi-robot jasap shyǵardy
00:56, 26 Qyrkúıek 2015
ASTANA. QazAqparat - Mınskide mektep oqýshysy, «Belarýs 100 ıdeıasy - 2014» baıqaýynyń «Robot tehnıkasy» atalymynyń jeńimpazy Aleksandr Dýbovotskıı ymmen, ısharamen kóńil-kúıdi bildire alatyn, balanyń kútýshisi bolýǵa jaraıtyn robot jasap shyǵardy.
Bul týraly BELTA tilshisine baıqaý úılestirýshisi Alesıa Vınnık málimdedi.
Alesıa Vınnıktiń aıtýynsha, robot aınalasynda bolyp jatqan oqıǵalarǵa den qoıyp, jymııa, tipti qaıǵyra da alady. Daýys úndestigin ajyratyp, sóıleıdi. 3D formatynda mýltfılmder kórsetip, balalarmen birge oınap, olarǵa sabaq oqyta alady. Sondaı-aq úı-jaıda gaz, tútin shyqsa, skanerlep, jedel túrde tıisti qyzmetke habarlaı alady. Alǵash ret robot keshe, 25 qyrkúıekte Joǵary tehnologııalar parki, PVT bıznes-ınkýbatorynda Smart TV úshin úzdik qosymsha ázirleý jónindegi LG Electronics jáne BRSM LG Apps Contest Belarus kompanııasynyń birlesken baıqaýynyń tanystyrylymy ýaqytynda kórsetildi.