Mektep oqýshylaryna qosymsha 250 myń kompıýter taratylady - mınıstrlik

NUR-SULTAN. QazAqparat – Mektep oqýshylary úshin taǵy 250 myń kompıýter taratylady. QR Bilim jáne ǵylym vıtse-mınıstri Sholpan Karınova jańa oqý jylyndaǵy alǵashqy sabaqtar týraly aıtyp berdi, dep habarlaıdy QazAqparat tilshisi.

«Oqýshylardy qashyqtan oqytýǵa daıyndaý barysynda jergilikti aqtqarýshy organdar mınıstrlikpen birlese tıisti sharalardy atqardy. Oqýshylarǵa ýaqytsha paıdalaný úshin 435 myń kompıýter taratyldy. Áli de satylyp alynyp jatqan kompıýterler bar. 15 qyrkúıekke deıin qosymsha 250 myń kompıýter beriledi», - dedi vıtse-mınıstr onlaın rejımde ótken brıfıngide.

Onyń sózine qaraǵanda, 1 qyrkúıek saǵat 15:00-degi jaǵdaı boıynsha júıedegi qaralym sany 3,7 mln. quraıdy. «Kúndelik» júıesi shtattyq rejımde jumys istedi.

Mınıstrlik málimetinshe, 1 qyrkúıektegi saǵat 15:00-degi jaǵdaı boıynsha negizgi bilim berý platformalaryndaǵy sessııalardyń sany – 2,2 mln. Ornalastyrylǵan kontentti qaraý sany – 6,8 mln.

Budan buryn habarlanǵandaı, oqýshylardyń 80 paıyzǵa jýyǵy qashyqtan bilim alýdy bastady.