Mektep oqýshylaryn onlaın oqytý qanshalyqty tıimdi – muǵalimniń pikiri

NUR-SULTAN. QazAqparat – Eldegi karantın talaptaryna sáıkes mektep oqýshylary onlaın, ıaǵnı qashyqtan oqý formatyna kóshti. Osy oraıda ustazdar qaýymynyń onlaın oqý formatyna qatysty pikiri qandaı jáne qashyqtan oqýdyń qandaı qıynshylyqtary bar? Bul týraly QazAqparat tilshisine elordadaǵy №67 mekteptiń bastaýysh synyp muǵalimi Maral Nógerbekova aıtyp berdi.

Maral Nógerbekova jetekshilik etetin 3 synypta 24 oqýshy bar.

«Biz Teams bilim baǵdarlamasy arqyly sabaq beremiz. ıAǵnı, oqýshylarǵa baǵdarlama siltemesin jiberemiz, olar qosylady. Jumys barysynda atalǵan baǵdarlama boıynsha kedergiler bar. Mysaly, men sabaq taqyrybyna qatysty slaıd ázirleımin, biraq ol Teams baǵdarlamasy arqyly barlyq oqýshyǵa birdeı kórinbeıdi, ashylmaıdy. Teams platformasy boıynsha tehnıkalyq aqaý bar. Biraq, bizdiń oqýshylardan kiná joq. Olar baǵdarlamany qalaı qosý, ajyratý keretigin jaqsy meńgergen. Múmkin, másele ınternetke baılanysty bolar. Bastaýysh synyp ekenine qaramastan meniń synybym onlaın oqý ádisin jaqsy meńgergen», - dedi M. Nógerbekova.

Mektep muǵaliminiń aıtýynsha, Teams bilim baǵdarlamasy tıimdi, degenmen aıtarlyqtaı kedergiler bar.

«Onlaın oqýǵa qatysty biz ata-analardyń oıyn bildik, olar qarsy. Sebebi, dástúrli oqýda balalar ózin tolǵandyrǵan suraqtarǵa jaýap ala alady. Keshe ǵana qalalyq bas sanıtar dárigerdiń arnaıy qaýlysy shyqty. Demek, bizge dástúrli formatta oqýǵa bolady», - deıdi ol.