Mektep oqýlyqtary keminde 1 jyl buryn beıimdeýden ótkiziledi – Ashat Aımaǵambetov
«Oqýlyq óte mańyzdy qural jáne olardyń sapasyn kóterý úshin keshendi is-sharalar iske asyrylyp jatyr. Birinshiden, 2021 jylǵy 1 qańtardan bastap depýtattardyń qoldaýymen jańa 2 norma iske asyra bastady. Endi bilim berý baǵdarlamalary mindetti túrde aldyn ala saraptamadan, odan keıin beıimdeýden ótedi. Bul da oqýlyqtardyń sapasyn arttyrýǵa septigin tıgizeri sózsiz. Ekinshiden, mınıstrlik osy oqýlyqtardy daıyndaýdyń jańa júıesin daıyndap, bekitti. Úshinshiden, saraptama, ıaǵnı saraptaý júıesi túbegeıli ózgeredi. Endi saraptamadan ótkizetin bizdiń sarapshylarymyz mindetti túrde sertıfıkattaýdan ótetin bolady», - dedi mınıstr «Nur Otan» partııasynyń «Ózgerister joly: ár azamatqa laıyqty ómir!» Saılaý baǵdarlamasyn oryndaýdyń Jol kartasyn talqylaý barysynda.
Onyń atap ótýinshe, buǵan deıin saraptama jasaý úshin muǵalimder shaqyrtylyp otyrǵan. Al onshaqty oqýlyqty qysqa ǵana ýaqyttyń ishinde saraptap shyǵý óte qıyn.
Endi olar oqytýdan, sertıfıkattaýdan ótkennen keıin oqýlyqtar daıyndaıtyn bolady. Sonymen qatar avtorlardy da oqytyp, sertıfıkattaýdan ótkizý rásimi bekitilip jatyr. Bul rette mańyzdy máselelerdiń biri - oqýlyqtardy beıimdeý. Endi 1 synyptan 11 synypqa deıingi barlyq oqýlyqtar keminde 1 jyl boıy ilki mektepderde aldyn ala beıimdeýden ótkiziledi. Osy jáne basqa da sheshimder oqýlyqtardyń sapasyn túbegeıli kóteredi dep senemiz», - dedi Ashat Aımaǵambetov.