Mektep qural-jabdyqtarynyń quny mıllıondaǵan somaǵa asyra kórsetilgen - QR Bas prokýratýrasy
Bul týraly búgin Aqordada sybaılas jemqorlyqqa qarsy kúres máseleleri jónindegi komıssııanyń keńeıtilgen otyrysynda QR Bas prokýrory Ashat Daýylbaev málim etti.
Onyń atap ótýinshe, Bilim jáne ǵylym mınıstrligi 2 mlrd. teńgeden astam qarjyǵa 569 bilim ordasyna hımııa kabınetterine arnalǵan oqý qural-jabdyqtaryn satyp alǵan. Al olardyń basym bóligi qańyrap bos tur. Máselen, Almaty oblysynyń Panfılov aýdanyndaǵy mektepterde 49 oqý qural-jabdyǵynyń tek 13 ǵana kádege jaraǵan. qalǵandary standarttarǵa saı kelmegendikten mektep qoımalarynda úıilip jatyr.
«Ońtústik Qazaqstan oblysynda 70 oqý ordasynda tek ınteraktıvti taqta ǵana paıdalanylady. Al qalǵan qural-jabdyqtardy paıdalanýǵa hımııalyq reaktıvter joq», - dedi ol.
Bas prokýrordyń atap ótýinshe, budan bólek 778 hımııa jáne bıologııa kabınetterine arnalǵan qural-jabdyqtardyń quny joǵarylatyp alynǵandyǵy jaıynda faktiler oryn alýda. Sonyń saldarynan aldyn ala esep boıynsha memleketke kelgen shyǵyn 1,5 mlrd. teńgeden asyp jyǵylady.
«Máselen, hımııa kabınetine arnalǵan qural-jabdyq jıyntyǵynyń 2,6 mln. teńgege, bıologııa kabınetine arnalǵan jıyndyq 1,6 mln. teńgege quny asyra kórsetilgendigi saraptama barysynda belgili bolyp otyr. Atalǵan faktiler boıynsha qarjy polıtsııasy tergeýaldy tekserý júrgizýde», - A.Daýylbaev.