Mektep baǵdarlamasyna «Ekologııa saǵaty» páni engiziledi - Saparbaev

ÓSKEMEN. QazAqparat – Qazaqstanda mektep baǵdarlamasyna «Ekologııa saǵaty» atty pán engiziledi, dep habarlaıdy QazAqparat.

Bul týraly Shyǵys Qazaqstan oblysyna jumys saparymen kelgen QR Premer-Mınıstriniń orynbasary Berdibek Saparbaev pedagogtarmen júzdesý barysynda aıtty.

Óskemendegi aldyńǵy qatarly mektepterdiń biri sanalatyn №46 bilim mekemesine toqtaǵan Úkimet basshysynyń orynbasary, oqýshylardy qorshaǵan ortany qorǵaýǵa tárbıeleý kerektigin aıtty.

«Oqýshylardyń tereń bilim ǵana emes, estetıkalyq tárbıe alýy da óte mańyzdy. Sanaly urpaq tabıǵatty aıalaı bilýi tıis. Osy maqsatta kelesi jyldan bastap mektepterge «Ekologııa saǵaty» páni engiziledi», – dedi Berdibek Saparbaev.

Esentaı Aıtuly