Mektep avtobýsy jáne oqýshylardy ystyq tamaqpen qamtý – Almatyda pılottyq jobalar bastalady

ALMATY. QazAqparat – Oqý-aǵartý mınıstrliginiń pılottyq jobalary Almaty qalasynda bastalady. Bul týraly «Bilimdi ult: bilimge umtylý, eńbeksúıgishtik jáne patrıotızm» atty forýmda oqý-aǵartý mınıstri Ashat Aımaǵambetov aıtty, dep habarlaıdy QazAqparat tilshisi.

«Bıyl birneshe pılottyq jobamyzdy Almaty qalasynda bastap, keıin basqa óńirlerge taratamyz. Atap aıtar bolsaq, biz úshin óte qyzyqty pılottyq joba – mektep avtobýstary. Bul elordamyz ben basqa da halyq kóp shoǵyrlanǵan úlken qalalarymyz úshin jaqsy joba bolady dep esepteımin. Ekinshiden, balalardyń mektepte tamaqanýy. Ol da balalardyń densaýlyǵy men oqý úlgerimine oń áserin tıgizedi», - dedi Ashat Aımaǵambetov.

Aıtýynsha, qazirgi tańda Almatyda as máziri, tamaqtaný máselesi boıynsha jańa pılottyq joba bastalyp jatyr.

«Memleket basshysy Qasym-Jomart Toqaev bıylǵy jyldy «Balalar jyly» dep atap, Úkimetke de, ákimderge de tıisti keshendi jospardy belgilep berdi. Bul jospardyń ishinde Almaty qalasy úshin óte mańyzdy sheshim qabyldandy. Ol – 1-4 synyp balalaryn tolyǵymen ystyq tamaqpen qamtý. Bul óte durys sheshim boldy», - dedi mınıstr.