Mektep ashanasyna ne dárethanasyna qatysty jalǵan aqparat bergen basshylar qatań jazalanbaq

NUR-SULTAN. QazAqparat – «Balaǵa laıyq» jobasyn jetildire túsý qajet. Bul týraly QR Oqý-aǵartý mınıstri Ashat Aımaǵambetov aıtty, dep habarlaıdy QazAqparat tilshisi.

«Balaǵa laıyq» jobasy júrip jatyr, ol ary qaraı jalǵasady. Mekteptegi ashanalar men ájethanalardyń jaǵdaıyn túbegeıli ózgertýimiz kerek. Bizge kelip túsken aqparat jetkiliksiz. Meniń oıymsha, osyndaı ǵana problema bar dep aıta almaımyz. Problema odan kóp. Maǵan kelip jatqan aqparatqa sáıkes, keıbir mekteptiń basshysy osy aqparatty jibergeni úshin shara qoldanyp jatyr dep estidim. Eger osyndaı máseleler dáleldenetin bolsa, onda biz óte qatań sharany bilim bóliminiń basshysyna da, mektep basshysyna da qoldanamyz. Aýyrýyn jasyrǵan óledi. Jasyratyn eshteńe joq. «Balaǵa laıyq» jobasy boıynsha ashanaǵa ne ájethanaǵa qatysty másele kelip tússe de eshkimdi jazalamaımyz. Biz mán-jaıdy anyqtap, «myna máseleni jóndeńizder» dep tapsyrma beremiz. Eshkimdi jaýapkershilikke tartýdyń qajeti joq», - dedi Ashat Aımaǵambetov.

Sonymen qatar mınıstr «Balaǵa laıyq» jobasyn jetildirý qajettigin basa aıtty.

Aıta keteıik, Oqý-aǵartý mınıstrligine qarasty Balalar quqyqtaryn qorǵaý komıteti elimizdegi oqýshylarmen jáne ata-analarmen birlesip, mektep ájethanalary men ashanalaryndaǵy kemshilikterdi anyqtaý maqsatynda «Balaǵa laıyq» jobasyn bastaǵan edi.