Meksıkalyq boksshy Saýl Alvares taǵy jazalandy

ASTANA. QazAqparat - Boks týraly jazatyn amerıkalyq jýrnalıster qaýymdastyǵy (BWAA) barlyq salmaq dárejesi boıynsha álemniń úzdik boksshylarynyń jańartylǵan reıtıngin (P4P) jarııalady, dep habarlaıdy Sports.kz.

Úzdikter úshtigi ózgerissiz qaldy: ýkraındyq Vasılıı Lomachenko kósh bastasa, ekinshi orynda amerıkalyq boksshy Terens Kroýford tur. Úshinshi pozıtsııaǵa qazaqstandyq Gennadıı Golovkın ornalasty.

Bul rette, meksıkalyq boksshy Saýl Alvares jýrnalısterdiń daýys berý nátıjesi boıynsha tórt pozıtsııa joǵaltyp, segizinshi orynǵa tústi. «Kanelonyń» bul quldyraýyna Golovkınmen jekpe-jegi aldynda anyqtalǵan dopıng pen alty aıǵa bokstan shettetilýi áser etti.  

Qaýymdastyń saıtynda atap ótilgendeı, «BWAA músheleriniń kóbi Alvareske qarsy shyǵyp, ony múldem kórsetpegen. Ol bıýlletenderdiń 50 protsentinen azyn jınaǵandardyń qataryna endi».

TOP-10 tizimi mynadaı:

1. Vasılıı Lomachenko (11-1-0, 9 KO) - 145 upaı;
2. Terens Kroýford (32-0-0, 23 KO) - 124;
3. Gennadıı Golovkın (38-0-1, 34 KO) - 122;
4. Errol Spens (23-0, 20 KO) - 79;
5. Maıkı Garsııa (38-0, 30 KO) - 74; 
6. Srısaket Sor Rýngvısaı (45-4-1, 40 KO) - 47; 
7. Sergeı Kovalev (32-2-1, 28 KO) - 42;
8. Saýl «Kanelo» Alvares (49-1-2, 34 KO) - 42;
9. Naoııa Inoýe (16-0, 14 KO) - 36;
10. Kıt Týrman (28-0, 22 KO) - 31.