Meksıkadaǵy boks keshinde Ábilhan Amanquldyń qarsylasy aýysty

ASTANA. QazAqparat – 6 mamyr kúni Meksıkanyń Gvadalahara qalasynda ótetin boks keshinde qazaqstandyq Ábilhan Amanquldyń qarsylasy aýysty, dep habarlaıdy QazAqparat Sports.kz-ke silteme jasap.

Gvadalaharadaǵy boks keshinde ekinshi orta salmaqtaǵy álemniń absolıýtti chempıony Saýl «Kanelo» Alvares pen brıtandyq Djon Raıder judyryqtasatynyn, anderkardta eki qazaqstandyq óner kórsetetinin jazǵan bolatynbyz.

Alǵashynda Ábilhan Amanquldyń (3-0, 3 KO) qarsylasy retinde jergilikti boksshy Hesýs Palomares (7-2-1, 4 KO) atalǵan bolatyn. Endi BoxRec.com saıtynda Amanquldyń opponenti retinde ózge meksıkalyq Fabıan Rıosa Fraýsto (7-6-3, 4 KO) kórsetilgen.

Atalǵan keshte sondaı-aq rıngke taǵy bir qazaqstandyq Bek Nurmaǵambet (9-0, 7 KO) shyǵady. Onyń qarsylasy – venesýelalyq Argenıs Espaneı (15-1, 14 KO).