Meksıkada jasyryn jerlengen jerden 30-dan astam adamnyń denesi tabyldy

<p>ASTANA. KAZINFORM &ndash; Meksıkanyń ońtústigindegi Chapas qalasynda barlyǵy 30-dan astam adamnyń denesi bar 25 qupııa qabir anyqtaldy, dep habarlaıdy <a href="https://report.az/ru/drugie-strany/na-yuge-meksiki-v-tajnyh-zahoroneniyah-nashli-bolee-30-tel/" target="_blank" rel="noopener">report.az. </a></p>

Bul týraly shtattyń bas prokýrory Horhe Lýıs Lıaven Abarka málimdedi.

- Búginde biz barlyǵy 25 qupııa qabirdi anyqtadyq, 31 máıit tabyldy, onyń 29-y er adam jáne ekeýi áıel», - dedi ol Chıapas bas prokýratýrasynyń saıtynda jarııalanǵan málimdemede.

- Biz iz-túzsiz joǵalyp ketkenderdiń barlyǵynyń denesin tabý úshin barlyq qajetti sharayy qabyldaýdy jalǵastyramyz, - dep qosty Lıaven Abarka.

Meksıka-Gvatemala shekarasynda ornalasqan Chıapas shtaty qylmys týraly jańalyqtarymen belgili. Onyń aýmaǵyn Latyn Amerıkasy elderinen kelgen zańsyz mıgranttar paıdalanady, olar keıinnen AQSh-qa jetý úshin Meksıkany kesip ótýge tyrysady.

Sonymen qatar munda esirtki kartelderi belsendi jumys istep otyr.

Meksıka túrmesindegi qarýly narazylyq kezinde jeti adam kóz jumǵanyn jazǵan bolatynbyz.