Meksıkada túsik jasatý endi qylmys bolyp sanalmaıdy

MEHIKO. QazAqparat - Meksıkanyń Joǵarǵy coty túsik jasatqany úshin qylmystyq jaýapkershilikti alyp tastady. Júktilikti toqtatqan áıeldi qylmystyq jazaǵa tartý konstıtýtsııaǵa qaıshy dep tanyldy, dep habarlaıdy QazAqparat BBC-ge silteme jasap.

Sottyń jańa úkimi boıynsha barlyq 32 shtatta túsik jasatýǵa ruqsat etiledi.

«Zorlanǵan jaǵdaıda, birde-bir qyzdy ana bolýǵa májbúrleýge bolmaıdy — memleket te, onyń ata-anasy da, qamqorshylary da», - dedi Joǵarǵy sottyń basshysy Artýro Saldıvar.

Bul sheshim Meksıkadaǵy konservatıvti saıasatkerler men katolıkterdiń ashýyn týdyrýy múmkin. Katolıkterdiń sany boıynsha Meksıka Latyn Amerıkasyndaǵy ekinshi memleket.

Alaıda sońǵy jyldary shirkeýdiń yqpaly tómendep, el ózin zaıyrly memleket retinde tanytýda.

Búgingi tańda Latyn Amerıkasynda túsik jasatý Kolýmbııa, Kýba, Ýrýgvaı jáne Argentınada zańdy sanalady.

Keıbir elderde túsik jasatýǵa zorlaý nemese densaýlyqqa qaýip tóndiretin jaǵdaılarda ruqsat etiledi, al Salvador, Gondýras, Nıkaragýa, Gaıtı jáne Domınıkan Respýblıkasynda abortqa tolyq tyıym salynǵan.