Meksıkada tórt saǵattyń ishinde toǵyz ret jer silkindi

MEHIKO. QazAqparat - Cenbi kúni Meksıkanyń ońtústigindegi Oahaka shtatynda tórt saǵattyń ishinde kem degende toǵyz ret jer silkindi. Bul týraly TASS agenttigine silteme jasap «QazAqparat» HAA habarlaıdy.

«4,2 magnıtýdalyq eń qýatty terbelis Krýsesıta eldi mekeninen 16 shaqyrym jerde, 5 shaqyrym tereńdikte boldy. Qaza tapqandar men zardap shekkender týraly aqparat joq», - dep habarlady Meksıkanyń Ulttyq seısmologııalyq qyzmeti.

2017 jyldyń qyrkúıeginde Meksıkada eki qýatty jer silkinisi boldy. 7 qyrkúıekte eldiń Oahaka, Chıapas jáne Tabasko shtattarynda 8,2 magnıtýdalyq jer silkinisiniń caldarynan 102 adam qaza tapqan. Al 19 qyrkúıekte bolǵan jer silkinisi kezinde 369 adam qurban boldy, sonyń ishinlde 228 adam Mehıkoda qaza tapty.

Sonda jerasty dúmpýlerdiń saldarynan ortalyq shtattarda 180-nen astam úı men páter qıraǵan, 2 mln jýyq adamǵa materıaldyq shyǵyn keldi.