Meksıkada polıtseı daýyldyń kesirinen eki kún boıy ash jatqan sábıdi emizdi

<p>33 jastaǵy polıtsııa qyzmetkeri Arızbet Dıonısıo Ambrosıo Meksıkanyń Akapýlko qalasyndaǵy qutqarý jumysy kezinde alystan balanyń jylaǵan daýsyn estigen. <a href="https://kaz.inform.kz/" target="_blank" rel="noopener">Kazinform</a> bul týraly <a href="https://www.bbc.com/russian/articles/cyj14gdrw09o" target="_blank" rel="noopener">VVS</a> basylymyna silteme jasap habarlaıdy.</p>

Taǵy biraz ýaqyt ótkennen keıin óziniń de eki balasy bar Ambrosıo sábıdiń únin taǵy estip, sebebin anyqtaýǵa tyrysady.

Sol kezde tórt aılyq balanyń anasyna kezikken. Áıel ulynyń eki kúnnen beri eshteńe jemegenin, qarny ashyp jylap jatqanyn aıtqan.

«Men oǵan qazir ózim de bala emizetin ana ekenimdi, qalasa balasyn emizip bere alatynymdy aıttym», — deıdi polıtsııa qyzmetkeri meksıkalyq N+ telearnasyna bergen suhbatynda.

Ambrosıo qorǵanys jabdyqtaryn sheship, ash balany emizgennen keıin sábı jylaýyn qoıǵan.

«Kóńilim jaılanyp qaldy. Bala ǵoı, analarǵa eń qıyny — balańdy osyndaı jaǵdaıda kórý», — deıdi ol.

Osy sát Akapýlkoǵa qutqarý komandasyn jibergen Mehıkonyń azamattyq qorǵanys hatshylyǵynyń demalys kúni jarııalaǵan sýretinde beınelengen.

Sýretter áleýmettik jelilerge tarap, jaqynda bolǵan daýyldan zardap shekken Akapýlkoǵa alańdap otyrǵan adamdardy tebirentti.

Akapýlko kýrort qalasy men onyń mańyndaǵy mýnıtsıpalıtetter joıqyn «Otıs» daýylynan keıin endi es jıyp jatyr.

31 qazanda jarııalanǵan resmı derek boıynsha, daýyl saldarynan 45 adam mert bolyp, 47 turǵyn iz-túzsiz joǵalyp ketken.