Meksıkada «Otıs» daýylynan qaza bolǵandar sany 43 adamǵa jetti

<p>Meksıkanyń Gerrero shtatynda &laquo;Otıs&raquo; daýylynan qaza tapqandar sany 43 adamǵa jetti, taǵy 36 adam iz-túzsiz joǵalǵandar qatarynda. Bul týraly shtat gýbernatory Evelın Salgado málim etti. <a href="https://kaz.inform.kz/" target="_blank" rel="noopener">Kazinform</a> bul týraly&nbsp;<a href="https://russian.news.cn/20231030/e417acb4b62947e8b83600825c9fc7ce/c.html" target="_blank" rel="noopener">Sınhýa agenttigine</a>&nbsp;silteme jasap habarlaıdy.</p>

Gýbernator prezıdent Andres Manýel Lopes Obradormen telefon arqyly sóılesip, «Bul áli aldyn ala derekter ekenin» aıtqan.

«Otıs» daýylyna qýattylyqtyń 5-sanaty berilgen. Ol Gerrero shtatynyń Tynyq muhıt jaǵalaýyna sársenbi kúni tónip, úlken zalal keltirdi. Ásirese Meksıkanyń negizgi týrıstik baǵyttarynyń biri Akapýlko shıpajaıy zardap shekti.

Prezıdent tek Akapýlko portynda ǵana qulaǵan 10 myń elektr baǵanynyń 3211-i qalpyna keltirilgenin málim etken.

Aıtýynsha, janarmaı, dızel otyny men turmystyq gaz tárizdi otyn túrleri ýaqytyly jetý úshin Akapýlkony elektrmen qamtamasyz etý dúısenbi keshke qaraı tolyǵymen qalpyna keltiriledi.