Meksıkada merlikke úmitkerdi saılaýshylarmen kezdesý kezinde atyp óltirdi

<p>ASTANA. KAZINFORM &ndash; Meksıkanyń Gerrero shtatyndaǵy Koıýka de Benıtes qalasynyń merligine oppozıtsııalyq ońshyl &laquo;Kúsh jáne Meksıka úshin júrek&raquo; alıansynan úmitker Hose Alfredo Kabrera Barrıentos saılaýshylarmen kezdesý kezinde atyp óltirildi. Bul týraly <a href="https://www.eluniversal.com.mx/elecciones/asesinan-a-candidato-a-la-alcaldia-de-coyuca-de-benitez-le-disparan-en-la-cabeza-durante-cierre-de-campana/" target="_blank" rel="noopener">&laquo;El Universal&raquo;</a> habarlady.</p>

Bul shtatta saılaý naýqany kezinde merlikke bes úmitker men bir depýtat qaza tapty. Saıasatker basketbol alańyndaǵy saılaýshylardyń arasynda bolǵan kezde, belgisiz bireý onyń artynan jaqyndap kelip, tapanshasyn alyp, basynan birneshe ret atqan. Kisi óltirý sátiniń vıdeosy áleýmettik jelide jarııalandy. Beınejazbada kem degende 15 ret oq atylǵan daýys estiledi.

Bir kún buryn Halısko shtatynda Meksıkanyń basqarýshy «Morena» partııasynan Enkarnasıon de Dıas mýnıtsıpalıtetiniń basshysyna úmitker Gılberto Palomar Gonsales qarýly shabýyldan jaraqat alǵan. Saıasatker jaralanǵan aǵasy jáne hatshysymen birge aýrýhanaǵa jetkizildi.

«Laboratorio Electoral» zertteýshileriniń málimetinshe, Meksıkada 2023 jyldyń jazynan beri saılaý naýqanyna baılanysty 82 adam qaza tapqan. Olardyń 34-i memlekettik saıası qyzmetke kandıdat boldy. Jalpy alǵanda, 2023 jáne 2024 jyldar aralyǵynda saıasatkerlerge jasalǵan zorlyq-zombylyqtyń 2172 oqıǵasy, sonyń ishinde shabýyldar, qoqan-loqqylar jáne adam urlaý oqıǵalary tirkelgen.

Meksıkada jalpy saılaý 2 maýsymda ótedi. Olar aldaǵy alty jylǵa jańa prezıdentti, sondaı-aq depýtattar palatasynyń 500 múshesi men Senattyń 128 múshesin, toǵyz gýbernator men 19 myń jergilikti sheneýnikti saılaıdy.