Meksıkada iri munaı keni tabyldy
10:49, 04 Qarasha 2017
ASTANA. QazAqparat - Meksıkanyń Pemex memlekettik munaı-gaz kompanııasy Verakrýs shtatynan munaı jáne gaz kólemi 1,5 mlrd barreldi quraıtyn ken ornyn tapty. Bul týraly juma kúni latynamerıkalyq eldiń prezıdenti Enrıke Pena Nıeto málimdedi, dep habarlaıdy TASS.
Memleket basshysynyń aıtýynsha, bul «sońǵy 15 jylda» Pemex-tiń qurlyqta tapqan eń iri ken orny sanalady.
«Bul jerde munaı óndirý taıaý arada bastalady», - dep atap ótti Penıa Neto. Sondaı-aq, ol ken ornynyń kompanııa ınfraqurylymyna jaqyn jerde ornalasqanyn tilge tıek etti.
El Universal gazetiniń elektrondyq nusqasy atap ótkendeı, qazirgi tańda Pemex munaı óndirý deńgeıi aıtarlyqtaı tómendegen. Bul aıda kompanııa orta eseppen kúnine 1,7 mln barrel óndirgen.
Foto:© AP Photo/Felix Marquez