Meksıka túrmesindegi qarýly narazylyq kezinde jeti adam kóz jumdy

<p>ASTANA. KAZINFORM &ndash; Oqıǵa Meksıkanyń ońtústigindegi túrmede eki tutqyndy aýystyrý kezinde bolǵan. Bul týraly sheteldik BAQ aqparat kózderine silteme jasaı otyryp, <a href="https://report.az/ru/drugie-strany/v-meksikanskoj-tyurme-proizoshel-vooruzhennyj-bunt-pogibli-sem-chelovek/" target="_blank" rel="noopener">Report</a> habarlady.</p>

Eki sottalýshyny basqa túrmege aýystyrýǵa tutqyndar qarsy bolǵany atap ótildi. Sondyqtan olar jıhazdar men qoqystardy órtegen, keıin túrme qyzmetkerlerine qaraı oq jaýdyrǵan.

Osylaısha búlik qarýly qaqtyǵysqa jalǵasyp, oqıǵa saldarynan jeti adam qaza taýyp, taǵy 10 adam jaraqat alǵan. Zardap shekkenderdiń arasynda tórt polıtsııa qyzmetkeri bar.

Tutqyndar men polıtsııa arasyndaǵy qaqtyǵys birneshe saǵatqa sozyldy.

Operatsııa nátıjesinde polıtseıler tutqyndardan bir myltyq, bes tapansha, granata, 23 machete, 14 pyshaq, sondaı-aq qoldan jasalǵan qarýlar, oq-dáriler, radıoqabyldaǵyshtar, uıaly telefondar men esirtki zattaryn tárkilegen.

Aıta keteıik, jeltoqsan aıy basynda Meksıkanyń soltústiginde dámhanaǵa qarýly shabýyl jasalyp, 9 adam qaza tapqan bolatyn.