Meksıka munaıy 2015 jylǵy qazannan beri eń joǵary kórsetkishke jetti

ASTANA. QazAqparat - Meksıkada óndirilip jatqan munaıdyń quny bir barrel úshin 42,37 dollarǵa deıin jetti. Bul týraly sársenbi kúni «Pemex» memlekettik munaı komnanııasy habarlady.

«La Jornada» gazetiniń atap ótýinshe, bul - 2015 jylǵy 9 qazannan beri eń joǵary deńgeıge deıin jetken kórsetkish, ol kezde 1 barrel quny - 43,06 dollar bolǵan.

«Pemex» baǵalardyń tómendeýine baılanysty kúrdeli qıyndyqtarǵa tap boldy. 2015 jylǵy tórtinshi maýsymnyń qorytyndysy boıynsha onyń taza shyǵyny 168 mlrd. pesoǵa (sol kezdegi baǵam boıynsha 9,2 mlrd. dollar) jetken. Bul 2014 jylǵy sáıkes kezeńmen salystyrǵanda 44 paıyz kóp, dep jazady TASS.

Aǵymdaǵy jyldyń qańtar aıynda meksıkalyq munaı barreli 14 jyl burynǵy deńgeıge deıin tómendep, 18,90 dollar boldy.
Aqpan aıynyń basynda Pemex-tiń basshylyǵy aýysyp, Hose Antonıo Gonsales Anaııa jańa qyzmetine kirisken.