Meksıka arqyly AQSh-qa barǵan 119 Ózbekstan azamaty eline qaıtaryldy
15:55, 21 Jeltoqsan 2023
<p><a href="https://t.me/migratsiyaagentligi/13017" target="_blank" rel="noopener">UzReport</a> telearnasynyń Ózbekstan Syrtqy eńbek mıgratsııasy agenttigine silteme jasap málimdeýinshe, AQSh-qa zańsyz ketken 119 Ózbekstan azamaty eline qaıtaryldy, dep habarlaıdy <a href="https://kaz.inform.kz/?_gl=1*1cookbu*_ga*MTMxOTQ2NjU5MC4xNjk4Mzc1OTcw*_ga_Y44SMVECD5*MTY5ODM3NTk2OS4xLjAuMTY5ODM3NTk2OS42MC4wLjA.&pk_vid=1dac2fba2c02ff6916983759715aaacc" target="_blank" rel="noopener">Kazinform</a>.</p>
Aqparatqa sáıkes, 2021 jyldyń qazan aıynan 2023 jyldyń qazan aıyna deıin AQSh-ta shekarany zańsyz kesip ótpek bolǵan 13 myńnan astam Ózbekstan azamaty ustalǵan.
Ózbekstanǵa oralǵan bir azamat ózine berilgen úlken ýádeler saǵymǵa aınalǵanyn aıtty. 2-3 jylda tapqan aqshasyn 2 aıda dalaǵa tastap kelgen. Meksıkaǵa jetý úshin 30 kún qajet boldy. Amerıkaǵa jiberý úshin odan 5 myń dollar suraǵan.
Taǵy bir azamattyń aıtýynsha, ol AQSh-ta aspaz bolǵysy kelgen. Alaıda AQSh-ta ustalyp, 4 aı túrmede otyrǵan.
Taǵy bir azamat ol jaqta jumys tabý qıyn ekenin, tipti 3-4 aı jumyssyz júrgen áıelder de baryn aıtty. Ol Amerıkada negizinen Ortalyq Azııa elderiniń azamattaryna arnalǵan reıdter bastalǵanyn habarlady.