Mekkege barar joldaǵy avtobýs apaty: Zardap shekkender ishinde qazaqstandyqtar joq

ASTANA. QazAqparat – Mekkege qajylardy tasymaldaǵan avtobýs apatynda zardap shekkender men qaza tapqandar arasynda qazaqstandyqtar joq, dep habarlaıdy QazAqparat tilshisi.

«Saýdııa polıtsııasynyń málimetinshe, zardap shekkender arasynda bizdiń azamattarymyz joq», - dedi Qazaqstan Syrtqy ister mınıstrliginiń resmı ókili Aıbek Smadııarov.

Buǵan deıin Saýd Arabııasynyń ońtústik-batysynda jol-kólik oqıǵasy saldarynan 20 adam qaza tapqany habarlanǵan edi.

Taǵy 29 adam zardap shekken. Apat Asır ákimshilik aýdanynda bolǵan jáne avtobýstyń tejegishinen aqaý tabylǵan.

Avtobýsta ýmra jasaý úshin Mekkege bara jatqan qajylar otyrǵany anyqtaldy. Olardyń barlyǵy Iemennen kelgen.

Qaıǵyly oqıǵa Asır ákimshilik aýdanynda bolǵan. Apatqa tejegishtiń isten shyǵýy sebep bolǵan. Saldarynan avtobýs kópirdiń aralyǵyna soǵylyp, órtenip ketken.

Oqıǵa ornyna órt sóndirýshiler men jedel járdem qyzmetkerleri keldi.