Mehıko metrosynda poıyzdar soqtyǵysyp, 60 adam jaraqattandy

ASTANA. QazAqparat – Mehıko metrosynda poıyzdar soqtyǵysyp, 60 adam jaraqattandy. Bir adam qaıtys boldy, dep habarlaıdy QazAqparat euronews-ke silteme jasap.

Meksıka BAQ-tary jarııalaǵandaı, el astanasynyń metrosyndaǵy apattan 60 adam jaraqattanǵan, onyń 35-i aýrýhanalarǵa jatqyzyldy. Bir adam kóz jumdy.

Apat senbi kúni tańerteńgi ýaqytta metropolıtenniń 3-jelisindegi stansalar arasynda bolǵan. Sebebi ázirge anyqtalǵan joq.

Mehıko metrosynda buǵan deıin de apattar bolǵan. 2020 jylǵy naýryzda «Takýbaıa» stansasynda eki poıyz soqtyǵysty. Ol kezde de bir adam qaıtys bolyp, 40 jolaýshy jaraqattandy. Al, 2021 jylǵy mamyrda 12-jelidegi stansalardyń birinde jolaýshylar poıyzy júrip bara jatqan estakada opyrylyp, 26 adam zardap shekken.