Mega Pharma kompanııasy medıtsınalyq maskalar taratý aktsııasyn bastady
Qazaqstan Respýblıkasynyń Tuńǵysh Prezıdenti - Elbasy qazaqstandyqtardy Memleket basshysy Qasym-Jomart Toqaevtyń jáne Úkimettiń osy kúnderi koronavırýstyq ınfektsııanyń taralýymen kúresý úshin júzege asyryp jatqan sharalaryn qoldaýǵa shaqyrǵan bolatyn.
Osyǵan baılanysty otandyq medıtsınalyq maskalar óndirýshi «Mega Pharma» JShS «Biz birgemiz!» aktsııasyn bastady. Kompanııa ókilderi búgin Nur-Sultan, Almaty jáne Shymkent qalalarynyń turǵyndaryna 100 myńnan astam medıtsınalyq maskany tegin taratýda. Árbir adamǵa 5 dana medıtsınalyq maska beriledi.
«Mega Pharma» kompanııasy Shymkent qalasynda quryldy. Kásiporyn polımerlik materıaldardan bir rettik medıtsınalyq buıymdardy, askorbın qyshqylyn, dári qobdıshasynan jáne basqa da medıtsınalyq taýarlardy shyǵarýmen aınalysady. Búgingi kúni kásiporyn táýligine 50-60 myń medıtsınalyq betperde shyǵarady. Kásiporyn shyǵaratyn ónim medıtsınanyń ár túrli salalarynda qoldanylady jáne sapa men qaýipsizdiktiń barlyq zamanaýı talaptaryna jaýap beredi.
Koronavırýstyń taralýynyń aldyn alý maqsatynda QR Densaýlyq saqtaý mınıstrligi el azamattaryn adamdar kóp shoǵyrlanatyn jerlerde jáne qoǵamdyq kólikte maska taǵýdy, sondaı-aq jeke gıgıena erejelerin saqtaýǵa keńes beredi.