Medsaqtandyrý qorynyń top-menedjmenti shyn máninde qansha syıaqy alǵan: Mınıstr jaýaby

<p>Densaýlyq saqtaý mınıstri Ajar Ǵınııat Áleýmettik medıtsınalyq saqtandyrý qory top-menedjerlerine mıllıondaǵan tólemder jasaldy degen derekke qatysty túsinik berdi, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

«Bul aqparat shyndyqqa janaspaıdy. Byltyr qorda eshqandaı bonýs qarastyrylmaǵan edi. Sondyqtan osy boıynsha jalǵan málimet berilgen. 98 mln teńge qordaǵy top-menedjmenttiń jalaqysyna, eńbek demalysyna, em-dom járdemaqysyna bólingen. 2022 jyly olar bonýs almaǵynan resmı túrde málimdeımin», – dedi A. Ǵınııat Májiliste tilshiler suraǵyna jaýap bere otyryp.

Mınıstr bonýs bólmeý baǵytynda Dırektorlar keńesi tıisti sheshim jasaǵanyn aıtty.

«Árqaısysy jylyna 600 myń teńgege deıin syıaqy alǵan. Tıisti normaǵa sáıkes, olarǵa beriletin syıaqy 600 myń teńgeden aspaýy tıis. Atap aıtqanda, Medıtsına qyzmetkerleri kúninde 300 myń teńgeden jáne Respýblıka kúninde 300 myń teńgeden alǵan», – dedi vedomstvo basshysy.

Budan buryn habarlanǵandaı, «Áleýmettik medıtsınalyq saqtandyrý qory» kommertsııalyq emes aktsıonerlik qoǵamy óziniń resmı saıtynda 2022 jylǵy qyzmeti týraly jyldyq esep jarııalaǵan.